🚨 الحجز فُتح رسمياً!

🚨 الحجز فُتح رسمياً! نهائي تحدي الثلاثين 🏆 الليلة اللي ننتظرها من سنة لسنة… والموعد اللي هالمرة بنخليه أكبر وأقوى من أي وقت مضى! 🎟️ التذاكر متاحة الآن للحجز بشكل رسمي عبر تطبيق The Arena Kuwait نصيحة من الحين: لا تأجل الحجز. الإقبال المتوقع كبير جداً، والأماكن محدودة… واللي يبي يعيش النهائي من قلب الحدث، يدخل ويحجز مقعده من الحين! موعدنا مع ليلة استثنائية… وجمهور تحدي الثلاثين كالعادة هو نجم الحدث الأول ❤️ احجزوا الحين… رابط الحجز موجود في البايو 🔗 ونشوفكم في النهائي! 🏆 من الكويت.. بدأ الحلم 🇰🇼❤️ تم اعتماد البرنامج رسميًا ضمن مبادرات Visit Kuwait، ليكون جزءًا من الصورة التي نقدّم من خلالها الكويت للعالم، اليوم نعيش واحدة من أجمل وأهم لحظات مسيرة تحدي الثلاثين. بالنسبة لنا، هذا الاعتماد أكبر من مجرد ظهور شعار أو تعاون… هو ثقة ومسؤولية وفخر كبير بأن مشروعًا كويتيًا بدأ بحلم وشغف، أصبح اليوم جزءًا من الترويج لوطننا وإبراز الكويت كوجهة للفعاليات والترفيه والسياحة. منذ البداية كان طموحنا أن نصنع شيئًا يليق باسم الكويت، واليوم عندما نرى اسم تحدي الثلاثين إلى جانب Visit Kuwait، نشعر أن كل سنة من العمل والتعب والتطوير كانت تستحق. كل الشكر والتقدير لدولة الكويت، ولكل الجهات والمسؤولين الذين منحونا هذه الثقة، ونعدكم بأن نحمل اسم الكويت بكل فخر، وأن يكون القادم أكبر وأجمل بإذن الله. تحدي الثلاثين مشروع كويتي… واليوم الكويت تحتضن مشروعها. 🇰🇼 ونلتقي في النهائي يوم 9 أكتوبر في The Arena Kuwait… في ليلة نطمح أن تكون واحدة من أجمل الليالي التي نقدمها من الكويت إلى العالم. «بدأنا نحلم بأن يصل تحدي الثلاثين إلى العالم… واليوم وطننا يختاره ليكون أحد الأشياء التي يصل بها إلى العالم.» @visitkuwait بدأت الفكرة بحلم.. وكبر الحلم بِكُم ❤️ سنوات من التعب، الشغف، الضغط، واللحظات التي لا تُنسى.. واليوم كل ما أشوف شعار تحدي الثلاثين، ما أشوف برنامج وبس، أشوف رحلة عمر كاملة، سنوات من عمري، ذكريات، مواقف، لحظات، نجاحات، وأخطاء.. والأجمل؟ إني للحين أحس إننا بالبداية والقادم بإذن الله.. أجمل وأكبر 🇰🇼❤️ الحمدلله دائماً وأبداً 🚨🚨🚨🚨 للتااااااااااريخ السنة الماضية نفدت التذاكر قبل 30 يوم من الحدث وهذه السنة نفدت التذاكر قبل 40 يوم من الحدث تخيل… حدث يصير SOLD OUT قبل موعده بـ40 يوم! مو هذا الجنون… الجنون الحقيقي إن 5000 شخص حجزوا مقاعدهم وهم إلى الآن ما يعرفون منو طرفَي النهائي! تخيل تحجز تذكرة نهائي بطولة… وأنت ما تدري منو الفريقين تخيل تحجز مسرحية… وأنت ما تدري منو أبطالها ولا شنو قصتها هني تعرف إن الناس ما حجزت عشان اسم مشارك… ولا عشان تعرف شنو راح يصير. الناس حجزت لأنها تثق بالاسم. حجزت لأنها تعرف إن اسم «تحدي الثلاثين» بروحه… وعد بليلة تستاهل الحضور. قبل 40 يوم… قبل معرفة طرفَي النهائي… وقبل الإعلان عن كل مفاجآت الليلة… 5000 مقعد انتهوا وهذا بالنسبة لنا مو مجرد SOLD OUT… هذا أكبر تصويت ثقة ممكن ناخذه من جمهورنا ❤️ من برنامج بدأ بحلم… إلى ليلة ينتظرها الآلاف ويحجزون لها قبل حتى ما يعرفون أبطالها أنتم ما اشتريتوا تذكرة… أنتم اشتريتوا الثقة ووعد منّا: بنردّها لكم بليلة تليق فيها 🇰🇼❤️ 9 أكتوبر… الأرينا موعدنا مع ليلة من ليالي العمر إن شاء الله رعاتنا وشركاء النجاح شكراً على ثقتكم وقصتنا معكم مستمرة لنصنع نجاح أكبر بإذن الله 🤲🏼 @talabatkwt @boutiqaat @almosafertravel_kw @seenjeemkw @gwm.kuwait @39ertime @stc_kwt @bankboubyan @gissahofficial @q84sale @ur.cookies.kw @trypuff @bbtkw @vamos.kw2 @thearenakuwait @pacha.group هالصورة كانت ختام آخر حلقة من الموسم… وما بقى الحين إلا النهائي ❤️ هالموسم ما كان سهلاً أبداً… ظروف المنطقة، إلغاء رحلات، سفر بالبر، ضغط، تعب وسهر… لكن كل هذا ما وقفنا ولا يوم، لأن خلف تحدي الثلاثين فريق إذا قال بنسويها… يسويها 💪🏻 الله يلعن إبليس بس… شنو هالفريق العظيم! 😂❤️ أقولها وأنا مقتنع: مستحيل تلقى فريق بالعالم مثل فريق تحدي الثلاثين. شكراً لكل واحد فيكم… أنتم سر كل نجاح وصلنا له، والقادم هو اللي يليق فيكم: النهائي 🔥