هذي الكيكة اللي ترضي هرموناتي هالفترة 🥲

هذي الكيكة اللي ترضي هرموناتي هالفترة 🥲 تعالو نشوف مع بعض تعليقات حول موضوع اليوم اللي هو | تحسون ان حياتنا كانت أجمل قبل السوشل ميديا تذكرون يوم نتجمع كل ويكند في بيت احد أقاربنا وكل وحدة تجيب صينية بايركس فيها حلا من كتاب النخبة ولا دفتر الطبخ اللي نكتبه كان اجمل جمعاتنا اللحين الاجتماعات ماعاد لها طعم 💔 فعلا التصوير هذا والنشر خرب حياتنا وعلاقاتنا أصدق عبارة ووصف 😭💔 حطو على قلوب على بعض مية خط 💔 اللحين اي كلمة او حركة تفسر 100 تفسير طبعا تفسير سلبي وضدك هههههههههههههههه اهم شي العلوم 😂😂 لا عاد ماهو لهدرجة المرحلة اللي وصلتي لها صعبه مانلوم عيالنا اجل 🥲 والله البدائل كثيره اللي تنفعك في حياتك الجمعات اللحين تعبت وتكلف وهمز ولمز 😭 الواحد والله ماعاد يرتاح ولا عاد له نفس يتجمع مع الناس 🤧 والسبب التصوير يفسرون اي عبارة او صورة لألف تفسير لا واللي تجيك تقول انتي شايفه نفسك حالة خاصه ههههههه عشان تصويرها اللي تصوره والاماكن اللي تروح لها | لذلك اقول لكم يازين حياتنا قبل نعرف السوشل ميديا فعلا الضحية كبار السن اذكر مره في العيد متجمعين وكل وحده على جوالها حتى الاطفال وعندنا كبيرة سن قامت علينا تهاوش تقول سولفو ولا لاعاد تجمعون عندي وتجون 😔 صحيح قسم بالله لدرجة مره صار لي موقف مره احزني 💔 طلع واحد من الناس القريبة لي مره مسوي عملية ولا درينا عنه ابد الا بعد اسبوع اما حياة المشاهير اللي مناك نعرفها اول بأول واهل بيتنا لا 😭 فعلا هذا الجيل مدري كيف بيطلع 💔😭😔 قالت كل اللي في قلبي يازين ايامنا قبل يوم كنا نطلع فجر الجمعه كشتة مع قرايبنا نكشت تحت شجرة والحريم ورى السيارة والبزران يلعبون بالتراب واللي طالع فوق الجبل 😭😭 مدري وش ذكرنيها فعلا ماعاد فيه استمتاع بالحياة نفس قبل .. لكن الحمدلله كثير منا واعي اقضو على هالظاهرة نتابع بس بالحد المعقول اذا تجمعنا بدون جوالات ماهو بدون اطفال نفس اللي صاير ممنوع الاطفال انا بقول ممنوع الجوالات ☺️ فيه العاب حركية حلوه بس حنا صرنا اللي ماعاد نهتم ولا نجيب لهم ولا نحاول نسوي لهم فعاليات صادقه مرات اكون متحمسه قبلها بكم يوم وذاك اليوم أتجهز واكون مره متحمسه وفرحانه واذا وصلت العزيمة الا كلن على جواله حتى القهوة صارت كل طاولة علىيها ترمس تقهوين عمرك 😂 لو جالسه في بيتي ابرك لي صح كنا نكشت الخميس لخبطت … الجمعه كنا مانطلع نحط حنا على شعورنا والبيت كله ريحة شامبو ونفطر ايدام طماطم 😂😂 لازم نعلم أطفالنا هذي اللعبة الحلوة 🥹💔