تصدقون متابعيني 😍في هايبرماركت يديد توه داخل قطر اسمه NESTO Hypermarket… بس المفاجأة إن NESTO مب شركة يديدة أبدًا، بالعكس تعتبر من الأسماء المعروفة والكبيرة في عالم الهايبرماركت بالخليج NESTO | تأسست سنة 2004، وهي تابعه لمجموعة كبيرة اسمها Western International Group، والمجموعة لها استثمارات وأعمال مختلفة في الخليج من سنوات طويلة. وأخيرًا NESTO دخلت السوق القطري رسميًا وأول فرع لهم في قطر افتتح في الغرافة على طريق الشمال، في مبنى الجوازات القديم، وكان الافتتاح الرسمي بتاريخ 19 أغسطس 2026 واللي استغربته إن فرع قطر يعتبر تقريبًا الفرع رقم 152 لـ NESTO 😳 يعني إحنا نتكلم عن سلسلة كبيرة ومنتشرة، مب هايبرماركت صغير أو مشروع بدأ الحين وشعارهم أساسًا All That You Need، وفكرتهم إنج تدخلين مكان واحد وتلقين أغلب احتياجات البيت والعائلة تحت سقف واح يعني عندهم قسم كامل للمواد الغذائية والبقالة، خضار وفواكه ومنتجات طازجة، ومستلزمات البيت والتنظيف والمطبخ، غير الملابس والأزياء والإلكترونيات وأغراض الـLifestyle ومن الأشياء اللي NESTO معروف فيها من زمان الأسعار التنافسية والعروض القوية، ومن أول ما فتحوا في قطر وهم منزلين عروض افتتاح وعروض على عدد كبير من المنتجات وعندهم بعد برنامج ولاء خاص فيهم اسمه INAAM، وفي له تطبيق، ومن خلاله تكون فيه نقاط ومكافآت في الدول اللي يشتغل فيها البرنامج. بس بالنسبة لتفاصيل احتساب واستبدال النقاط في قطر تحديدًا، للحين ما شفت شرح رسمي واضح لكل التفاصيل هذا هو التطبيق بس الى الان مانزلوا التطبيق لدوله قطر | هذا خاص للرقم الاماراتي وبالنسبة للتوصيل أونلاين، للحين ما شفت إعلان رسمي واضح يؤكد إن خدمة التوصيل الخاصة بـNESTO شغالة بالكامل في قطر، فإذا تأكدت الخدمة أكيد بقول لكم والأحلى إن خطتهم في قطر مب واقفة على فرع الغرافة 👀 وقت افتتاح أول فرع أعلنوا إن عندهم خطة يفتحون 8 فروع إضافية في قطر، يعني واضح إنهم داخلين السوق القطري بقوة وكانت الشركة من قبل أعلنت عن خطط استثمار كبيرة جدًا في قطر، فأتوقع خلال الفترة الياية بنشوف اسم NESTO في أكثر من منطقة يعني باختصار… | NESTO | مب هايبرماركت جديد بالعالم، هو اسم معروف من سنوات، لكن الجديد علينا هو دخوله قطر 🇶🇦 وأنا بصراحة متحمسة أروح أشوفه بنفسي، خصوصًا الأسعار والأقسام والعروض… وبشوف إذا فعلًا يستاهل الضجة ولا لا بنات أنا الحين عند NESTO Hypermarket في الغرافة 😍 اللحين بدخل أشوفه من داخل 👀 يلا تعالوا معاي نشوف شنو عندهم من لحق على هذا الكيك
جاري التحميل…