طيب وش تعني 3 مفاتيح ميشلان؟ وهل هي نفس نجوم الفنادق اللي نعرفها؟ | والفنادق أصلًا كانت موجودة في دليل ميشلان من بداياته قبل أكثر من 100 سنة لكن ماكان عندهم تصنيف خاص للفنادق يعادل النجوم اللي يعطونها للمطاعم وهذا اللي تغير مع إطلاق Michelin Keys | في 2024 أطلقت ميشلان تصنيف جديد اسمه Michelin Keys أو مفاتيح ميشلان وفكرته ببساطة يكون تقريبًا المقابل الفندقي لنجوم ميشلان الشهيرة للمطاعم والشي المهم إن مفاتيح ميشلان ماهي مرتبطة بالنجوم التقليدية للفندق يعني ماهو شرط الفندق يكون 5 نجوم عشان يحصل على مفتاح لأن الاختيار مستقل عن التصنيفات السياحية الموجودة أصلًا | وما عندهم حصة محددة لازم يعطونها لكل دولة أو نوع فندق طيب كيف ميشلان تقرر مين يستحق المفاتيح؟ | 1- علاقة الفندق بالوجهة/ | يعني هل يعطيك إحساس بالمكان الموجود فيه ويضيف لتجربة المدينة أو المنطقة؟ أو هو مجرد فندق ممكن يكون بأي مكان في العالم؟ | 2- العمارة والتصميم الداخلي/ | ماهو شرط يكون التصميم هو الأفخم أو الأغلى لكن المهم يكون له هوية واضحة ومميزة ومتماسكة | 3- جودة واستمرارية الخدمة والراحة والصيانة/ | يعني ماتكون مجرد خدمة ممتازة في موقف واحد خلال إقامتك لا المهم أن المستوى يكون ثابت طول التجربة | 4- القيمة مقابل السعر/ | وهذي نقطة مهمة لأن ميشلان ماتبحث بس عن أغلى الفنادق لكنها تشوف هل التجربة فعلًا تبرر السعر اللي تدفعه؟ | 5- الشخصية والأصالة/ | عندهم مفتشين مستقلين ومجهولين الهوية يعني يجون كأنهم نزلاء عاديين (بنفس فكرة مفتشين مطاعم ميشلان) ويسكنون في الفنادق ويتم التقييم حسب 5 معايير عالمية: | يعني هل للفندق شخصية وهوية خاصة فيه؟ أو هو مجرد نسخة من عشرات الفنادق الثانية؟ | يوسف السديس الخمس نجوم اللي نعرفها عادة تكون مرتبطة بمعايير ومرافق وخدمات معينة وحتى أنظمة تصنيف الفنادق تختلف من دولة إلى دولة | وهنا يجي الفرق المهم بين Michelin Keys وبين معايير النجوم التقليدية للفنادق | يعني ماهو شرط يكون الفندق 5 نجوم عشان يعطونه مفتاح ميشلان وممكن Boutique Hotel صغير ياخذ مفتاح وفندق 5 نجوم معروف مايعطونه | أما مفاتيح ميشلان فهي مستقلة عن هذا التصنيف | لأن اللي تقيمه ميشلان بالنهاية هو تجربة الإقامة نفسها ماهو عدد المرافق أو مستوى الفخامة | يوسف السديس وفي نقطة ثانية مهمة: | مو أي فندق في العالم يدخل تلقائيًا في تقييم Michelin Keys | الفندق لازم أولًا يكون ضمن اختيار MICHELIN Guide للفنادق واللي يضم حاليًا أكثر من 9,000 فندق مختار حول العالم وبعدها تمنح المفاتيح للأفضل من بينهم وفي تصنيف 2026 وصل عدد الفنادق الحاصلة على مفاتيح ميشلان عالميًا إلى 2,832 فندق / | 2,020 فندق بمفتاح واحد 657 فندق بمفتاحين و155 بس بثلاثة مفاتيح | وهذا يوضح ان الوصول لثلاث مفاتيح يعتبر مستوى محدود جدًا عالميًا وبالنسبة للسعودية ، وجود الفنادق عندنا في Michelin Keys مابدأ هالسنة.. في 2025 كان عندنا 7 فنادق حاصلة على مفاتيح ميشلان وفي تصنيف 2026 ارتفع العدد إلى 17 فندق | وبكذا صار عند السعودية 17 فندق بمفاتيح ميشلان مقابل 7 فقط السنة الماضية 🇸🇦👏
جاري التحميل…