مااعتقد في اسهل والذ من كذا ضروري تجربون الوصفه ! 🍫💯 @هنقرستيشن | Hungerstation ولو احتجتوا مقاضي لوصفتكم تقدرون تطلبونها من هنقرستيشن ماركت 💛 🛒 - ماتيلدا كيك 🍫🤎 مقادير الكيك: * 280 غرام دقيق لجميع الاستعمالات * 50 غرام كاكاو خام (نوعية كويسة) * 250 غرام سكر بني * 160 مل زيت * 160 مل لبن عادي * 120 غرام زبادي * 2 بيض * ملعقة صغيرة فانيلا * ملعقة صغيرة بيكنج باودر * ملعقة صغيرة بيكنج صودا * نص ملعقة صغيرة ملح * 250 مل موية حارة + ملعقتين صغيرتين قهوة سريعة الذوبان مقادير الجاناش: * 200 غرام شوكولاتة دارك * 250 غرام شوكولاتة ميلك * 250 مل كريمة خفق سائلة الطريقة: أول شي مهم تكون مكونات الكيك بدرجة حرارة الغرفة خصوصا البيض واللبن والزبادي. نخلط المكونات الجافة مع بعض، وبوعاء ثاني نخفق البيض والسكر والفانيلا والزيت، بعدها نضيف اللبن والزبادي ونخلط. نضيف المكونات الجافة بالتدريج وآخر شي الموية الحارة مع القهوة ونخلط لين يتجانس الخليط. نصب الخليط بقالب مربع مبطن بورق زبدة وندخله الفرن على حرارة 170 درجة فوق وتحت بدون مروحة. وقت الخبز يختلف حسب القالب والفرن، نبدأ نشيك بعد 30–35 دقيقة ونطلعه إذا استوى وطلع العود بدون خليط ني. الجاناش: نسخن الكريمة ونصبها فوق الشوكولاتة المقطعة ونتركها دقيقتين، بعدها نحرك لين يصير الجاناش ناعم. ندخله الثلاجة لين يثقل ويصير مناسب للحشو، وإذا تماسك بزيادة نضيف شوي كريمة خفق دافية بالتدريج. التجميع: بعد ما يبرد الكيك تماما نقطعه بالنص وبالعرض نصين عشان يصير عندنا 4 قطع. نبطن قالب مربع عميق بنايلون، ونحط بالقاع قطعة كيك وفوقها طبقة جاناش ونكرر لين نخلص الكمية. نغطيه بنايلون وندخله الثلاجة لين يتماسك شوي، بعدها نقلبه على صحن التقديم ونشيل النايلون. بالنسبة للجاناش اللي غطيت فيه الكيكة من برا، استخدمته وهو ناعم وسايل شوي بدون ما أبرده بالثلاجة عشان تكون التغطية ناعمة وسهلة الفرد. آخر شي نغطي الكيكة بالجاناش من كل الجهات ونزينها بالتوت الطازج وبالعافية عليكم 🤎 - اعلان 🌟🫡 - #قبل_الكل
جاري التحميل…