ثريد اليوم راح يكون للبنات (فقط) عن : "العناية وقت الدورة" ممكن ماتحبون كلامي بس لا حياء في الدين والرسول عليه السلام وصى بالاهتمام بالنظافة والإسلام يأمر بالنظافة بعد أنتم شاركوني خلو الفائدة تعم💗🌸. . أول شيء راح اتكلم عن الشيء اللي ضروري كل بنت تسويه سواءً وقت الدورة او بعدها لأنه مهم مره قبل العناية بالدورة اللي هو إزالة الشعر من المنطقة الحساسة هالشيء مهم جداً جداً لأن لو كنتي مهملته حيسبب لك ضرر كبير من بكتيريا وروائح كريهه وإسمرار بالمنطقة وافرازات بالمنطقة واشياء كثيرة. طريقة الإزالة ممكن تكون بالموس وتشيلون مع اتجاه الشعر الاشياء الثانية زي الڤيت او الواكس او الحلاوة ممكن تسبب لكم ترهلات وتهيج وحروق اشياء ماودكم فيها او إذا عندك مقدرة مالية سوي ليزر مريح جداً وأمن وهنا صورة الامواس اللي كنت استخدمها قبل الليزر ومرتاحة عليها. https://t.co/OIkDlz8BGx خلصنا من اهم نقطة والان نجي لوقت العناية بالدورة وانا بتكلم عن نفسي ممكن ماتناسبك طريقتي بس انا عليها من سنين والحمدلله ماصار لي شيء ، طبيعـي قبل الدورة الشهرية بأسبوع يبدأ يجيك الآلام خصوصاً ببطنك وظهرك وطبعاً النفسية تقلب اكيد بس شيء طبيعي جدا لأنه يعتبر تغيير بهرموناتك عادي . الملابس تكونين مجهزة لك: بنطلون يكون شوي ثقيل عشان يدفيك ، ما تشغلين مكيف او اذا بتشغلينه تلبسين لبس يدفيك وتشغلينه بجامة شتوية شوي حتى لو كان حر دايم الحر يخلي الالم يخف عكس البرد يزيدك تعب ، احب وقتها ابعد عن الأشياء اللي باردة واسوي اعشاب دافية وحتى لو موية حاولي تكون مو باردة نجي للشيء اللي ممكن الاغلب مايتفقون معاي فيها لكن انا اسويها ومرتاحة جداً على هالطريقة ، اللي هو الترويش وقت الدورة احب اول يوم اتروش قبل ماتنزل كثير واتدفي بعدها ضروري تتدفين وتشربين شيء دافي وألبس ثقيل والبس شرابات عشان الارض باردة وهالشيء مايوقفها بالعكس تجيك وانتي نظيفة مرة . حطي مليون خط تحت انه تدفي دفي راسك وشعرك بالذات وجسمك خصوصاً من تحت ورجولك بعد ، وانتبهي تدعسين على الارضية بدون شراب اذا كانت رخام او باركيه لانها سيئة جداً على المدى البعيد وقت الحمل او الولادة وفيما بعد مو زين مرة تمشي حافية على ارض باردة . . طبعاً عدد أيامها تختلف من بنت لبنت فيه بعضهم بس 3 أيام فيه 7 أيام فيه 10 أيام والغالب اللي يكون عندهم غدة او تكيسات مبايض تكمل 15 يوم عندهم فـ هذي الايام الطبيعة وكل بنت وهرموناتها تختلف غيرها. معلومة قالتها لي الدكتورة : ان جداً عادي ان الدورة تتأخر 35 يوم عادي بس ماتتجاوز الان نجي لموضوع الفوط الصحية صراحةً انا انسانة جربت كثير ايام زمان ولا ارتحت وحسيتها تسبب لي حساسية واسمرار للمنطقة فـ صرت استخدم فوط (سوڤي - كوكتس) افضل نوعين قطن وتجنن ومريحة جداً وعليها من سنين طووويلة والحمدلله مره مرتاحة عليها بحط لكم صورتهم ودكتورتي حذرتني من الفوط اليومية https://t.co/J39D8yyjaZ طيب لما تطلعين برا البيت ضروري يكون بشنطتك احتياط حبة او حبتين وضروري اغيرها كل ساعتين تتغير حتى لو ما كان فيها شيء لأنها لو طولت مو كويس للمنطقة واشتروا حافظة الفوط حلوة مرة واخر شيء طبيعي جداً ان بشرتك تصير باهته وقتها ونفسيتك ماتكون مره عادي جداً مجرد ماتخلص يرجع كل شيء طبيعي. https://t.co/8oZDSM0SKj شلون أعرف انها خلصت؟ يختلف من بنت لبنت مرات يطلع لهم بالنهاية قصة بيضاء وبنات تجف منهم بدون مايطلع منهم شيء وتدري أنها خلصت منها لما اخلص منها امسح المناكير واحب بعد اقصر اظافري بعدها تتطهرين ووتتروشين عادي تتنظفين تسوين روتينك المعتاد يكون لك غسولك الخاص بالمنطقة تغلسينها فيها . بحط لكم صورة غسول يورياج ممتاز وآمن جداً وحتى للاطفال واقروا عنه ويعتبر مفتح بعد بس بنات ترى مرة ماينفع ، تنبيه عن معلومة كثير يجهلونها غسول المنطقة الحساسة مضر لو تغسلين فيه يوميا طيب ليش؟يقتل البكتيريا النافعة بالمنطقة حلو كل ثلاث أيام تغسلين فيه او كل اربع ايام فقط كثرته تضرك. https://t.co/s8qHWQL115 شوفوا بنات فيه نقطة كنت اجهلها كنت اذا اطهرت العشاء بس اصلي العشاء بس هالشيء غلط ، بنزل لكم صورة توضح لكم ايش يكون الواجب عليك من الصلوات وقت ما تطهرين من الدورة ، سواءً قبل الصلاة او بعدها لازم تعرفونها زين بنات🌸. وكمان طريقة الاغتسال الصحيحة بعد ما تتطهرين من الدورة الشهرية💗. https://t.co/857hZGyxPU انا الصراحة عن نفسي قبل كنت بداية الأيام ما اتحمل الآمها وكنت اخذ لي حبوب فيفادول كل 6 ساعات بحط لكم صورتها لان فيه كثير زي بعض بس والله لما نظمت نفسي وصار اكلي صحي وصرت اشرب اشياء دافية صرت ارتاح اذا جاتني يجيني الم صح ، بس الم طبيعي الانسان الطبيعي يتحمله لا يكون زيادة او نقص . https://t.co/GxdwrgRvuR شوفو بنات طبيعي جداً جداً انها تكون اغمق من جسمكم وضروري تتأقلمون مع هالشيء وتقتنعون وتحبون أنفسكم بنفس ما انتو صحيح فيه حالات شاذة اللي تكون مره مره سمراء هذي ممكن تراجع دكتورة افضل لها وترا هالمنطقة ما سموها حساسة الا وهي تتأثر بأي شيء عليها ! يعني مو كل شيء ينفع لها انتبهوا . ومو اي خلطة تجربينها بتنفع معاك انتبهي من هالشيء خصوصاً كريمات التفتيح المنطقة هذي تتأثر بالترطيب وممكن يكون سبب في تفتيحها هالشيء انا طبعاً مع الليزر حسيت بالفرق صرت ارطبها مرتين باليوم بيوسرين مره بالنهار ومره قبل النوم بس مو داخلي طبعاً الكريم يعتبر آمن جداً لأنه مجرد ترطيب . https://t.co/QT77XgyXK2 فيه طريقة بنصحكم فيه تسوونه بالبيت اصلاً بتحبون ريحتكم منه مره يجنن وآمن ترا تعرفون زيت اللافندر ؟ اخذ علبة موية واحط فيها نقط منه واصير اغسل المنطقة فيه 3 غسلات تقريباً يعني كأنك ترشينه على المنطقة طبعاً هالطريقة حلوه ممكن تسوينها مرتين او ثلاث او اربع بالاسبوع ، واذا خلصت منك https://t.co/Wx6PXfJC3A تأخر الدورة ؟ لو كنتي توك بالغة هو شيء طبيعي تتلخبط شوي اما اذا من زمان نصيحتي لك تراجعين طبيبة نساء لأنها اذا تأخرت ممكن بسبب مشاكل داخلية بالجسم اذکر اول مابلغت كانت تجيني شهر تتركني 4 شهور بعدين رحت لدكتورة وصرفت لي ادوية وحبوب وليومكم هذا تجيني بوقتها وان تأخرت تأخرت اسبوع بس فيه البعض يستعملون اشياء معطرة ومو طبيعية ، ما افضل هالمنطقة يوصلها عطور او مسك وغيره ممكن يناسبك مايناسب غيرك بالنسبة انا قبل سنه ممكن لي جربت مسك الطهارة المشهور بعبدالصمد القرشي وسبب لي التهاب فضيييع بالمنطقة وابداً ماناسبني ابداً عشان كذا العطور مستحيل افضل اني احطها نهائياً. اللي يجيها الم قوي لدرجه انها تبكي من الالم و م تقدر تتحرك من مكانها الا لليوم الثاني ترا جداً عادي المها وطبيعي لكن حاولي تدهنين بطنك وظهرك بفيكس واستعملي (كمادة) تحصلونها بالصيدليات مره تریح مره مره او استعملو زيت المغنيسيوم ممتاز مرة ادهنو فيه بطنهم لاسفله حلو. https://t.co/zdtLKhBXHt بنات انتبهوا اي شيء ثقيل او لزج زي المانجو الموز او الالبان والاجبان ومشتقاته م يصلح ياخذونه وقت الدورة وكمان البامية والباذنجان والمانجو والايسكريم والملوخية بعد الاشياء اللزجة تكون مو كويسه وقتها يفضل تبعدين عنها شوي بس الصراحة انا الاجبان اكلها بس هي مو كويسة ابداً كثير قالوه. أخيراً هتمو بأجسامكم كثير لو بس بالمويه وتشربون كفايتكم وتحاولون ماتقطعون الخضار الورقية كمان فيه بنات قالوا احنا نشرب بارد ونسوي اشياء كثير ومانتعب طيب ياعيوني طبيعي ماراح يأثر الان على المدى البعيد وقت حمل والولادة وفي كبر السن بيأثر عليك كثير انتبهوا لأنفسكم لأنها امانة
جاري التحميل…