يسعد قلبك و روحك الحلوه 🥹🤍 يارب يكثر من امثالكم و يرزقنا دايماً الناس السويّه الطيبة الي قلبها ابيض و نظيف و عندهم رضا و قناعة و حب و اتزان نفسي 🤍🤍🥹🥹🥹 حمدلله حمدلله على الناس الي زيكم والله انتو نعمة 🤍🤍 جاني كلام اليوم خلاني أفكر في موضوع أحس يستاهل نتكلم عنه بكل احترام و ادب 🫶🏼 موضوع الاستهلاك والسوشال ميديا، وهل إحنا كصناع محتوى ممكن بدون قصد نخلّي الناس تحس إنها محتاجة تشتري أكثر؟ أول شيء أنا متفهمة مرررره إنه كثرة الأشياء اللي نشوفها يومياً من شنط، عطور، ملابس، أجهزة، مشتريات.. ممكن حقيقي تخلّي الواحد يحس إنه الطبيعي إنه كل يوم في شي جديد لازم يكون عندنا.. مع إنه بالحقيقة مو دا الطبيعي، ولا دا مقياس الحياة الحلوة أصلاً.. | وفي نفس الوقت أحس فيه مسؤولية من الطرفين، أنا مسؤوليتي إني أكون واعية بالشي اللي أقدمه، وما أصور المشتريات وكأنه إنجاز أو شرط للسعادة.. واللي يتابعني مسؤوليته يعرف إنه اللي يشوفه في السناب هو جزء صغير مرررره من حياة الشخص، مو قائمة أشياء لازم يسويها. ويمكن فعلاً إحنا نحتاج نذكر نفسنا أكثر إنه مو كل شيء يعجبنا لازم نشتريه، ومو كل شي يعجبنا لازم يكون عندنا.. فيه فرق بين إني أستمتع بشي وبين إني أصير طول الوقت أدور على الشي اللي بعده 👍🏼👍🏼 والصراحة أنا شخصياً أحب الأشياء الحلوة🌝 أحب العطور واللبس والشنط وأشاركها معاكم، وما أبغى أمثل إني مو كده بس بنفس الوقت أكثر الأشياء اللي أحبها حقيقي في حياتي ما تنشرى 🥹 جلسة مع اولادي، صحتي، أهلي، وقت الروقان، راحة البال.. | دي الأشياء هي الأساس، والباقي إضافات حلوة و سعادتها مؤقتة🙈 فبلييييييز ما أبغى أحد يقارن حياته بحياتي، ولا أنا أقارن حياتي بأحد.. خدو من أي شخص تتابعوه الشي اللي يضيف لكم و خلو الباقي.. وإذا يوم حسيتوا إنه حساب معين يخليكم أقل رضا عن حياتكم أو يدخلكم في دوامة مقارنة واستهلاك.. عادي جداً تبعدوا عنه.. | صدقونيييييي حماية رضاكي عن حياتك أهم من متابعة أي أحد، حتى أنا 👍🏼🫶🏼 (السوشال ميديا المفروض توسّع أفكارنا، مو توسّع قائمة الأشياء اللي نحس إننا ناقصين بدونها) 🫶🏼✨
جاري التحميل…