اعطيكم ابديت بعد بوتوكس الشقيقة | حمدلله يااااارب الصداع خف بنسبة ٧٠٪ 😍 ما زال يجيني بس مرررة قليل مقارنة بأول | الدكتور قال لو البوتوكس جاب مفعول لازم نستمر عليه كل ثلاثة شهور 👌🏻 حاليا عندي مشكلة تانية غير الصداع 🥲 لسة مو عارفين سببها | الدوخة 😵💫 يعني فجأة الدنيا تلف بيا بدون سبب ولا مقدمات ولازم اجلس عشان ما اطيح الين تنتهي | وبعض الاوقات الدوخة يجيني معاها اغماء واصحى بعد كم دقيقة 🥲 الدوخة عندي تهون جمب الاغماء لانه مرة مسببلي قلق ولمن اخرج لحالي اكون شايلة هم لو جاتني وطحت ومافي احد معايا ف غالبا صرت ما احب اروح مكان يحتاج مشي لحالي 🥲 | لحد الان كل المرتين اللي صادفتني فيها حالة اغماء كنت برا البيت مع اولادي وخلاص عارفين اني بعد كم دقيقة اصحى تاني ما تطول | حاليا انتهيت من الصداع بس الدكتور يبغى يوصل لسبب الدوخة والاغماء 🥲 لو احد كانت عنده دي الحالة واتشخص ممكن تشاركوني ايش طلع سببها | واللي ما جاتها الله يبعدها عنكم وما تجيكم ويديم عليكم الصحة والعافية ❤️ عملت اشعة قريب كان عندي شد في العضلات بس… بس لسة ماشيكت كريستالات الاذن 🥲 انا اول شي جا في بالي صراحة انه مع ضغط الشغل والمشاوير الجسم بينهار ويجيني صداع بما انه كلللل التحاليل سليمة لحد الان 🤷🏻♀️ باخد موعد دي اليومين ان شاء الله … شيكت عالعين حمدلله مافي شي … وعملت تخطيط كهربة الدماغ مافي شي حمدلله … باقي اشوف دكتور انف واذن وحنجرة 👌🏻 خليني اقول لكم اخر عرض عندي 😅 | مدري ايش سبب الضغط دا 😵💫 | عندي ضغط في راسي زي ضغط الطيارة مع الاقلاع 😵💫 طول الوقت الضغط بيفجر راسي مو طبيعي والله لدرجة ما صرت اتحمل الاصوات تزيد عليا ماشاء الله بنات مو ملحقة عالتعليقات من كثرها سناب وانستقرام ❤️❤️❤️ راح اشارككم اليوم ان شاء الله مجموعة رسايل | سألتكم عشان استفيد منكم واتطمن الين يجي موعدي مع دكتور الاعصاب 🥰 | الاغلب قال كريستالات الاذن وفقرات الرقبة🤍 نكمل فحوصات وان شاء الله انها بسيطة
جاري التحميل…